Emilia's Gender Blog

Keep thinking. Keep Empathising.

關於 Emilia和這個Blog

(Photography by Cmw Boni, check out her page)

A girl hoping to bring some changes by writing and questioning norms.

寫呢d小文(我稱之為9up)都好幾年。好多事,我嘅立場同埋觀點都有所改變。開呢個blog,係想有系統地整合、記錄低我多年來嘅想法同埋成長。因此,其實好多文字同觀點,都係有待完善(以偏概全、資料未齊、感情用事、求求其其、論證不足、同埋好多錯別字!!!)嘅,我有時睇到都想瘋狂駁斥自己。而,我相信呢個世界係無絕對對錯,我並無認為自己嘅觀點係真理(雖然有時文字嘅語氣好似好寸,但其實我真人好nice XD),希望大家唔好睇完覺得好offended要瘋狂開我火 XD 雖然就算你咁做我都慣曬 XD

本身識我嘅朋友,都知其實我本人嘅性觀念係比較保守嘅,我advocate嘅情慾自主、打破stereotype等,講真我都唔知係為邊個,或者係中二病地覺得要拯救被壓抑嘅香港人(男女都係),尤其是女性(因為我本身係女性,感受會多d,男人都有另一d嘅壓迫,我嘅文章都會講),或者係我本身多管閒事,攞苦黎辛。不過點都好啦,我advocate嘅野其實只係好普通,就係希望社會將女性嘅身體主導權交還翻比女性自己去運用,女性鍾意暴露亦得,密實亦得,濫交亦得,保守亦得,做雞亦得,做修女亦得,都唔係社會嘅事,而係比翻女性一個選擇嘅自由,而不受歧視同壓逼。點解女人一d要係清純可愛,唔可以係淫蕩?點解暴露左個身體出黎,就係唔應該,就係無價值?而,又點解呢種壓逼係側重於針對女性?

有時間的話,我都想自己可以繼續反思同寫更加多,只係希望能夠製造到一d basis比大家都同我一齊反思呢d我認為頗重要又往往被忽視嘅議題。可惜依家GPA接近要令我摺埋,呢個blog暫時唔需要太認真看待please,有時間我會整理好佢 ❤