今日，一名學生從高處躍下身亡，有傳原因係老師撕爛佢份功課。

首先，以此原因為話題炒作討論不恰當。你好清楚死者面對緊嘅問題咩？佢20年嘅人生同經歷你又瞭解幾多？ 一個人係立體而複雜嘅，將自殺者死因簡化成「被老師撕爛功課」，未免太過缺乏同理心同不太尊重。仲要唔知件事係真係假。

另一個論調，係指責學生嘅抗逆能力太低，「咁都要死真係廢」。簡化自殺者死因已經唔岩，再者，假設事件屬實，難道個學生堅強d，老師就可以大條道理撕毀佢嘅作品？一群唔知死者背景嘅人，有乜野資格不斷喺死者嘅屍體上灑鹽？

即使死者真係脆弱過人，咁又點？普通法侵權法/刑法入面有一條「Thin Skull Rule」，簡單黎講，你不能以「受害者的頭顱本身比較脆弱」來作辯護，以逃避你傷害他的責任。舉例，你踢倒一名受害人，正常人可能只會瘀傷，但呢名受害人尾龍骨動過手術，踢一踢就癱左，你都需為佢嘅癱瘓負責。套用翻今次嘅事件，假設學生真係因為受到某種欺凌而自殺，「佢太廢」絕對唔應該係幫欺凌者開脫嘅藉口。

睇完今日嘅人嘅論調，先知道原來現代社會嘅文明，仲係停留於弱者就係抵死嘅水平。