唔講唔知，時裝業原來係環境污染嘅元兇之一。生產一件普通tshirt需要用到一個人900日嘅飲水量，快速時尚工業仲係全球污染物排放第二多嘅工業！僅次於石油工業！好多人貪平貪方便（我都有）就會走去買H&M 啊之類嘅大型連鎖店嘅衫，仲要恃住平，無諗清楚就買過量，之後甚至著一兩次就唔要，喺無心嘅情況下無謂地破壞左環境。

其實一件衫嘅壽命可以好長，少買一手衫，多d用其他方法黎幫自己扮靚，例如同朋友交換衫、買二手衣物、愛護衣物令佢更耐穿，etc，絕對可以係造福地球嘅舉動啊。

中大嘅同學仔，依家可以去百佳隔離嘅《山城角樂》選購二手衣物，甚至可以唔洗俾錢，用以物易物嘅方式，貢獻自己唔要嘅衣物/物品，換取分數去購物，有男有女，有唔同style，又抵又環保，快d去了解下啦🙆