以目前香港嘅法例，只有男先可以係強姦犯，女先可以係受害者，而Intention係從男嘅主觀角度去出發，姐係佢只要真誠地認為女嘅比左consent，就可以脫罪。成件事，只係保護女人，但同時亦只從男性角度審視罪行，都幾父權。

依家香港嘅改革，係倡議緊加入肛交、口交等行為列入強姦罪，令男性都可以係強姦受害者，受法律保障。另外，倡議將人造性器官都包括在法例內，可保障埋變性人。無變嘅係，男性陰莖仍然被視為強姦嘅唯一施害物，而非任何其他物件。

某d國家例如德國，已經將其他物件嘅抽插都定義為強姦，香港究竟係咪要行呢一步？拿，我就覺得用其他物件插入可以屬於襲擊/謀殺/傷人等等，畢竟it’s more violent than sexual。就算將以物件抽插嘅行為「降格」定義為「非禮」，最高刑期都有10年，唔輕的。相反，如果將一切同性器官有關嘅暴力行為都定義為強姦，似乎係模糊左焦點而唔係empower左受害者，陪審團喺對「強姦」嘅定義未能以常理理解時，對於案情嘅理解都可能會有誤差。

再者，我地可以思考嘅係，強姦受害人受嘅傷害唔係黎自性，而係黎自暴力同被剝奪自主。Every thing is about sex but sex itself, sex is about power.

反而我會諗，到底女人可唔可以係強姦（唔單止性暴力）中嘅施害者？如果真係唔得，平權L係咪應該接受強姦罪作為只係懲罰男性嘅一條罪？究竟女人係唔係biologically 就必定喺性方面處於弱勢呢？