同女性朋友Y傾緊女性同sexuality，講到現代女性對抗父權/刻板女性形象嘅方法。

從以前到依家，網絡上充斥住男性向嘅成人電影：單刀直入咁強姦、當女人係用黎發洩嘅賤工具、暴力對待女性，仲有數之不盡嘅題材。有fantasy並唔可恥，所以我其實唔反對AV入面有某程度上侮辱女性嘅情節，始終AV女優係演員，收左錢工作，做戲嘅姐，我唔會膠到AV橋段都接受唔到。（不過，AV 女優係咪完全自主，都係另一個問題，詳情可以睇下我另外兩篇分析：大學生拍AV、鄉村少女拍AV。）

入翻正題，有fantasy絕對唔係問題，仲係健康架添！問題係，依家嘅AV大部分只係cater到男性嘅fantasy，單從男性角度出發，彷彿強調只有男人先可以有性慾，只有男人先係性嘅強者。好多人，到依家都唔知女人都會自慰、會睇AV，而且不一定比男人少。性慾，係因人而異，而唔係因性別而異。另外，呢種風氣都會令女人羞於表達自己嘅性慾，變得越來越壓抑。

同時，單一嘅角度呈現好容易教壞d血氣方剛嘅年輕人，令佢地唔識尊重女人，或者有種種誤解，例如會認為男人喺性交中有高潮係必須，但女人就唔必須，呢類唔平等嘅想法。

然後，Y提到呢個網，d AV比一般嘅「女性向」AV走得更進一步。（所謂女性向AV，即係用女性視點，而唔係男性視點去拍攝AV。通常，男主角都會顏值高好多，而且比較著重感情醞釀，而非性器官特寫抽抽插插。不過啦，嚴格黎講，其實呢種所謂「女性向」可能都係reinforce緊一種嘅刻板印象，例如女人中意男人溫柔對佢，唔鍾意粗獷嘅性愛，喂呀哥，邊個話架先？）

而呢個網嘅做法，我認為比較貼地。佢地係邀請左唔同嘅女性，寫出自己嘅 sexual fantasy，情節上從真實嘅女性角度出發、編寫、拍攝。我最難忘嘅一套，係主角賣左自己男朋友做性奴，然後幫自己搵錢 （哎唷，侮辱男性！） XD

最後，我地兩個女人喺間房一齊猛睇女性向AV XD