前晚同roommate傾開援交呢樣野，糾結緊點解有部分人認為援交無問題，但都唔自己去做，畢竟報酬真係好可觀，供不應求嘅情況下基本上係援交妹揀客。

結論係，每個人做每樣野嘅cost都唔同，outcome都唔同。Sluttiness empowers some, nudity empowers some; modesty empowers some, conformity empowers some.

比如說，一個由細到大食煙講粗口打人周圍發生關係唔讀書嘅人，對於佢黎講，「改邪歸正」做一個所謂斯文人就係努力同勇氣。但對於一個由細到大中規中矩，毫無不良嗜好，行為保守嘅人黎講，拍一張內衣照已經可以係佢對社會規範嘅強烈控訴。

所以，沒有最好嘅路，沒有最啱嘅路。

對於我黎講，首先，我認為自己承擔唔到援交嘅成本，例如有機會被揭穿之後「身敗名裂」，又或者赤裸裸咁面對陌生男人嘅危險。再者，我個人嘅價值觀，係未接受到自己販賣性同情感。所以，我認為援交無問題，係基於我尊重其他人喺不傷害人嘅前提下，有選擇佢地鍾意做乜嘅自由，唔代表我自己就要去做。正如我唔反對有人食樹皮，但我自己唔會食。 兩樣野無衝突的。