每當一個倡議泛女性主義嘅女性，發放比較性感嘅照片，輿論總無可避免地會分成三面：
第一面，會用一般主觀嘅美醜標準論斷佢，評論佢外表身材，或借題發揮詆毀佢人格。
第二面，會認為佢自信勇敢咁表達緊自己，實踐緊自主，他人無權干涉。（更多關於身體自主文章，請按此。）
第三面，就係會認為呢種行為並非為女性充權，而係相反地，繼續迎合男性嘅口味，鞏固女性作為sex object 嘅印象，適得其反。
女性成為了sex object ，是壓迫還是解放？第三種主張背後嘅邏輯，係認為女人要充權，就應該要係「去性的」，需要完全脫離男人嘅視覺。呢三方面嘅爭論，界線係模糊嘅，好多時候係分不清嘅。好多人對於呢d照片產生強烈嘅感受，卻想不到原因。然而，呢d感受係沒有對錯的，當我地倡議別人唔好論斷展現自己嘅人，我地都不應輕易論斷評論別人嘅人。我認為，一個行為能不能讓個別人士獲得自信、能量，自由，只有嗰個人先知，沒有一個絕對客觀嘅準則。
喺文明嘅現代社會，不同方式能夠為不同個體充權，其他人無資格否定別人嘅動機與得著。如果有女性認為，得到男性青睞能為佢充權，其他人（特別係性別權益關注者）都應該予以尊重。
入正題先～
好多社交媒體，都禁止女性露出乳頭，因為女性乳頭係被視為性感嘅、甚至穢褻嘅。先不談呢個禁令嘅邏輯與效果，我想討論嘅，係呢個值得反思例子：美國一名教授、女性主義者、抗癌勇士。
Erika 因為乳癌，需要切除部分乳房及整個乳頭。佢所宣揚嘅，係乳房不完整、身形不完美、體態不主流嘅女人（其實仲包括所有人），都可以好性感、誘人、自信。（更多Body positivity文章請按此。）因此，佢整個倡議，都含有不少暴露嘅照片，甚至裸照，直視整個沒有乳頭嘅乳房。照片中嘅佢，堅強又自信，鼓舞左不少女性/抗癌鬥士，亦同時惹來誹議：呢種倡議，正正係希望能夠透過「物化」與「性化」自己，期望他人能以性嘅角度審視她。
其實，呢女性主義下嘅terms同思維，到最後都係為左讓女性活得更好更自在。如果物化、性化自己，讓自己充滿「性感」，能夠帶比佢自信與能量，即使此舉與某一分支嘅女性主義南轅北轍，又有乜野所謂呢？
然而，諷刺嘅係，Erika 除左遭受一派所謂女性主義者嘅攻擊，亦正正因為佢失去左乳頭，而彷彿連「不雅」、「性感」嘅資格都失去：社交媒體並不將佢嘅照片同一般女性嘅露奶照一視同仁，方才讓佢袒胸露臂。咁樣講，到底佢嘅倡議係失敗定成功，定尚未成功呢？如果佢無左乳頭，仍能按佢嘅倡議，被視為性感裸露，嗰d照片應該要被移除才是。抑或，無左乳頭，一個女人連裸露上身嘅能力都失去嗎？佢永遠無法被視為性感嗎？不被視為性感，就代表失去了一大部分嘅女性特質 (feminity)嗎？我沒有答案，大家不妨都諗諗。
佢ig: @ihartericka
Emilia's Gender Blog 