1. 賣子宮到底有咩錯？
打工仔朝9晚6，仲要OT，日復日，翻到屋企攰到做乜都無心機，慘過坐監，仲要吞聲忍氣，出賣尊嚴，根本返工先係最出賣自己嘅事情，不論係身體或靈魂。「錯」嘅觀念可能源遠流長，以前濫交比依家更易有性病，以前性同婚姻更被視為資源，以前女性無經濟能力往往被視為男人嘅財物，呢d種種都令明碼實價嘅賣身變得「錯」，因為你被認為作賤緊自己，同時自私咁用自己嘅身體搵錢。追本溯源，根本無人認為女人可以完全擁有同控制自己嘅身體。父權。

2. 會唔會搵唔到老公/未來嘅關係投放唔到信任？
首先，一段關係就係為左獲取我嘅陰道嘅免費尊屬使用權嗎？唔係我嘅靈魂咩？如果係咁，拍拖仲慘過做雞喎。另外，點解要限定女人嘅最大嘅價值就係將自己銷出去？而且銷出去嘅標準、獲取「信任」等全部由男性定義。父權囉。

3. 賣子宮係咪不勞而獲？
喂呀哥，有買有賣，視乎你點睇。做看更都唔係好「勞」架啦，做部門主管，唔係好洗做野添，生得靚做model，影下相就收錢，都係勞力黎架。咩叫「不勞」先？根本任你講。另外，given依家個社會嘅風氣，我去賣身分分鐘賣埋自己個前途，唔可以講話係無代價。

4. 既然係無錯，點解唔做？（延伸閱讀：如果援交無問題，點解我唔去做？）
賣淫個價之所以咁高，全賴個社會仍然貶低佢，導致供不應求。如果真係無問題，我當1500/q，一日接1個客，半年已經搵到27萬。如果我有本錢收高d，勤力d，半年儲到首期不是夢。可以買到翻身嘅機會，可以買到自由，而，其實完全唔係用左好多時間。既然咁荀，點解唔做？咪就係因為社會接受唔到囉。不過，如果個個都做，就收唔到咁貴lu。