我身邊有幾位親密嘅基督徒,佢地都好尊重其他人嘅信仰、自由同生活方式。甚至對「離經叛道」嘅我百般諒解、照顧同尊重

不過,每個群體總有一d害群之馬,例如有班耶X會喺聖誕佳節,去清真寺唱聖詩,完全係挑釁,唯我獨尊。佢地甚至會去性商店,逼滿人地間舖,趕走人地d客,然後喺度講道,話個店主/職員犯罪要落地獄,叫人去悔改。一阻人搵食,二當左自己係神。明明呀穌哥當年行為激進,挑戰建制,但有班教徒卻會利用耶穌嘅名義,為強權抬轎,將政見分歧上升到天國嘅層次,利用神向信徒同大眾施加壓力。明明耶穌叫我地要愛彼此,唔好論斷人,偏偏有d教徒就走去憎恨排擠同性戀,仲要擺穌哥上檯去合理化欺凌行為,逼所有人都要跟從(佢所理解嘅)佢個宗教。

呢班教徒已經唔係散播愛、導人向善,而係以宗教嘅名義去行惡,滿足自己批鬥、挑釁他人嘅快感同人性,再用宗教做擋箭牌,霸住個道德高地黎企,欺壓他人。甚至,宗教已經淪為維穩嘅政治工具,好似古時/國外咁。其實正正係呢類行為讓人對宗教卻步,甚至被逼走。希望真正善良嘅教徒們可以企出黎導正、譴責、阻止呢類幼稚嘅hater行為,起碼令普通人唔咁反感先。