話說前幾日，收到一個好有心嘅讀者來信，問我日常嘅「化妝」同「接受自己」之間是否有衝突。

我嘅回應係，化妝（佢話搽有色潤唇膏都算😂），就好似你襯一件靚衫、梳洗好個頭先出街咁，對好多人黎講係基本嘅打理同禮貌，同時提升自信，等自己心情都好d。

對另一群人黎講，化妝係表達個性同創意嘅媒介，例如美國變性人 Stephanie Brite ，佢一開始係透過化妝展示佢嫵媚嘅一面，塑造佢女性嘅身分，慢慢透過化妝黎搵到佢心目中嘅自己，當佢搵到之後，依家已經可以接受到自己唔再化妝。

追求美係人嘅天性，我嘅結論係，其實化唔化妝唔係重點，重點係我地用乜嘢心態去化，因人而異。有幾多係為左他人、為左場合？有幾多係為左自己？同埋，有無重新學識接受自然嘅自己？

只要無俾自己太大嘅壓力同困擾去化妝，其實都唔係d咩大問題啦～ （我知道我無乜皮膚問題，接受自己唔化妝係比較易，但對於有暗瘡啊、斑啊等嘅女仔黎講個難關又高一級，呢方面我無乜兩句，如果大家有呢方面嘅掙扎，可以inbox我推介幾個page 比大家睇。）☺️