好多人都誤以為，做男優好正好爽，收住錢同唔同美女上床，實在係夢寐以求嘅職業。但呢集紀錄片：Hot girls wanted (Money shot) 卻以AV男優為引子，帶出性工作，即使對性文化中嘅強者（男性）黎講，都並唔係性愛，而係以金錢為最大基礎，充滿血汗同危險嘅演出工作。
首先，拍攝過程並非享受。受訪男優H表示，佢不論身體或心靈，好多時根本都無法享受拍攝過程。為左畫面好睇，演員好多時要將身體扭曲至近乎畸形嘅角度、不自然嘅姿勢，甚至一面表現得激情享受，一面要忍受生殖器或筋肉嘅疼痛、受傷。導演會大條道理咁講：「痛就痛，快快趣拍完咪唔痛，你係黎做嘢，唔係黎扑嘢，最緊要觀眾鍾意呢d畫面。」H又表示，佢享受嘅性愛，會係同伴侶好好交流、令雙方都滿足愉悅。但由男觀眾主導嘅AV市場，卻經常要求男優粗暴對待女優、視女性為發洩工具，不但令佢難以享受，有時更係掩住良心先做得出（注意：一邊難受，一邊依然要扯住旗扮享受。）
第二，男優嘅身體同精神都承受極大壓力。一場戲，可能要拍四、五個鐘，男優就需要勃起幾個鐘，而且維持相當嘅硬度。同時間，片場有一大群陌生人，男男女女，監視住自己，但自己卻要扮到旁若無人。又，好多時為左銷量，男優都會接拍題材比較詭異嘅AV，例如H就演出過大灰狼，零下幾度喺雪地強姦小紅帽。一般男性，根本無可能喺呢d情況下勃起，更遑論要一邊用奇怪姿勢做愛，一邊演出扮享受。而且，最後往往要望住成班人等你射精先收得到工，都唔好話無壓力。所以，唔少男優都會靠藥物黎支撐住，啪幾粒偉哥先開到工。問題係，呢d藥物會有依賴性，只會越食越多，而食呢d藥導致嘅心臟問題亦不容忽視。H表示，為左拍小紅帽，佢啪左四粒藥，第二日個心好似比一隻冰冷嘅手捏實咁。
第三，男性被物化嘅慘況，喺AV界並不弱於女性。H係一個黑人，喺AV中，佢嘅價值就係在於佢嘅big black dick。喺好多演出入面，導演都會要求女優不斷強調H係黑人、係黑腸、his blackness。因為，觀眾就係想睇黑人搞白人，低等男性搞高等女性，營造嗰種個女性被一隻野獸蹂躪糟質嘅刺激感。喺呢個狀態下，racism 同 sexism 同時彰顯，對黑人、男人、女人，都係侮辱。然而，喺AV產業中，所有會被法律同外界視為歧視同落後嘅行為價值，都係可以接受，甚至越係禁忌，就越受吹捧。
最後，同女人一樣，男優都係會遭受道德審判或白眼，親人會割席、朋友會疏遠。有趣嘅係，鄙視佢地嘅人，自己都唔見得會唔睇AV、唔做愛。一邊晚晚睇，一邊卻站在道德高地批評置身其中嘅工作者，或者，都只能反映呢d人對自我嘅性慾係幾咁壓抑，先會透過道德審判男優，鞏固既有嘅價值，合理化自己一路以來遭受嘅來自社會嘅批判。
延伸閱讀：
Emilia's Gender Blog 