制度上嘅性別不平等，並不局限於壓迫女性。

英國Devon鎮一間中學，近日就有一班男生穿校裙抗議校規嘅性別不平等。校規指明，男生要著長褲，女生要著校裙，但於天氣寒冷時，女生可以改穿長褲。然而，即使天氣幾酷熱，男生都只能穿長褲，如果著上短褲，就會被訓話、隔離、留堂。校方列出不能穿短褲嘅原因，居然係指男生嘅腳好多毛，同埋短褲唔專業。

有趣嘅係，呢班男生竟然搵到校規嘅漏洞，就係無寫明男生不能穿校裙。為左抗議校方缺乏彈性嘅處理手法，男童們就穿起清爽嘅短裙和平抗議。起初只有五人，後來擴展到上百人參與。

呢單case令我諗起日本一群男生，抗議社會容許女性作中性（所謂中性姐係男性化）嘅打扮，而且有好大自由度選擇不同嘅衣著與style，但對男性嘅fashion要求卻係保守、狹窄得很。於是，佢地發起男生都可以花枝招展嘅行動，抗議社會嘅刻板同對男性表達自己嘅自由嘅限制。

當然，英國男學童呢個case係以實用性、實際需要為感召，同日本嗰個case不能直接類比。不過，都想提醒翻，身體自主呢類嘅倡議，並非只適用於女性。我平時講得女人多，只係因為我自己係女人，身邊都係女性朋友，自然有多d material，而我又無可能一個人寫曬、留意曬、批判曬世界上嘅一切事物。所以，以為寫女人等於反男人，係好大嘅誤會（和邏輯問題）啊😂