乜野係父權?

1. 奉旨要男人攞重嘢、埋單
2. 歧視男人搵得少錢過女人
3. 奉旨要男人養你、買嘢俾你
4. 認為男人喊、脆弱係不要得
5. 認為男人一定要做主動、凡事遷就女人
6. 認為男人一定要叻過女人、比女人負更多責任
___________

以上只係少少例子,不能盡錄。「父權」係一種思想,亦可以喺社會制度同結構度反映出黎。依家嘅香港,喺我角度,唔算太父權:平等教育機會、知識型經濟(而非勞動型,令男人喺生產力上絕對佔優),都係令現代香港性別大致平等嘅重要因素。當然,除左性別角度,階級、圈子、貧富、種族等都有影響到社會係咪開放平等,性別只係其中一個濾鏡,呢點要注意。

雖然我認為香港男女已大致平等,但呢個只係講緊公共嘅制度方面。私底下,意識形態上,好多人依然係無法擺脫固有嘅父權嘅思想,上面列出嘅幾點就係例子。從上述例子可見,「父權」觀念,喺今時今日並唔應該被詮釋為「男人VS 女人」或「男人壓迫女人」,將男女放在對立嘅局面,而應該係「固有觀念VS所有人」:喺女性地位抬頭、但父權思想仍然植根嘅呢個過渡期,可能男性先係受最大壓力嘅一群,既要負父權嘅責任,又未能好似以前咁享用父權賦予男人嘅社會地位。真正嘅平權追求者(or as they phrase 女性主義者),係唔會利用呢d固有父權觀念攞男人著數的。

父權係好定唔好呢?其實唔係一定係差,以前黎講,可以係維持社會穩定嘅良方,男女分工清晰,各司其職,但現代社會仲需唔需要呢種思想呢?假如要擺脫呢種思想,又應該用咩方式呢?好似我呢幅相咁,究竟係自主緊、解放緊自己,定係墮入一般人所認知嘅「父權」嘅圈套,令女性變成凝視嘅對象呢?呢點要大家諗諗了~ 下次再講多d。