好多時,最鍾意侮辱同貶低女人嘅,往往就係女人。

其實,呢個世界上有幾十億個女人:方方面面都好過你嘅絕對有成千上萬;方方面都差過你嘅亦多不勝數。下下都比較,意義何在呢?好多女人心入面有一個格鬥機制,以為其他女人要同你爭奪些什麼,所以見到其他女人就不期然會搵位入。醒醒吧,人地無你想像中咁好,你亦無你想像中差。即使喺擇偶中有所謂嘅爭奪戰,其實都只有「適不適合」,沒有絕對客觀嘅「好不好」。

承認、肯定、欣賞另一個女人嘅光芒,並唔會削弱你自身嘅魅力。反之,酸臭怨毒,妒火中燒,更會顯你心胸狹窄。而且一個長期攞住把尺,秤呢個秤嗰個嘅人,都好難活得精彩。

堅強又出色嘅女人,會係互相扶持,唔係互相詆毀。要明白,人地差左,你都唔會好左;反而,發掘別人嘅好而謙卑學習,見賢思齊,先會令自己嘅光芒越來越明亮。