我知道有d男生，細個有比當時工人姐姐幫佢沖涼嘅時候逗佢jj、玩弄佢下體。佢當時唔識，唔知係咩事，淨係覺得好怪，到依家大左都唔夠膽公開講，因為怕成為笑柄。

我知道，香港有一d殘疾院舍，女工友竟然走去手淫弱智男院友，令身心殘障嘅院友受驚，仲有一連串後續反應，需要接受額外嘅身心治療。最後，男院友家人因為覺得丟臉，而選擇低調了事。

當一件疑似性侵案爆光，尤其是雙方處於權力不對等嘅狀態，倫理上一定係先幫助受害者，而唔會先假定受害者捏造案情。因為誹謗同性侵之間，普遍人都會認同性侵更可恥、更具傷害力。而單單向公眾述說自己被性侵，已經需要好大勇氣同犧牲。

有好多男性都表示，好怕男性會成為冤案嘅受害人，所以每每有疑似受害者剖白，佢地都會先選擇檢討、質疑、甚至批鬥或傷害受害者。但其實，佢地唔需要咁快代入晒角色咁，至少，你地可以等被指控者先伸冤，再黎做柯南。

「事隔多年難以蒐證，所以被指控者有冤無路訴好慘」，呢個唔係男人面對嘅問題，而係大部分被人指控各類罪行嘅人，無分男女，都會面對嘅問題。

站在受害人嘅一方，只僅僅代表你支持受害人表態，反對施暴者性侵，不代表你係支持或反對某一個性別。

性侵者無分男女，受害無分男女。

 

相關文章：

「教練唔告呂麗瑤誹謗，一定係身有屎」

無好好保護自己，需要為被強姦負上責任嗎？

女人唔可以係強姦犯？