提起泰國,相信好多人都會想起色情旅遊(Sex Tourism):人妖騷、紅燈區、雛妓等。今年四月中先爆左一單新聞,指泰國警方搗破一個淫亂派對,內有多名澳洲、歐美、中國籍男子與一班泰國妓女進行群交,而每個嫖客都只係比緊少於HKD$375。

泰國人一般嘅日薪大概係HKD$85 ,月薪HKD$2200 左右,物價亦比香港要便宜3至6倍。嫖客付出 HKD$375與多名妓女群交,價錢望落雖然係少得不合理,少得可憐,但已經係一般泰國人四日嘅日薪。如果撇除黑幫操控、人口販賣等嘅複雜因素,一個妓女嘅日薪連小費,可能已經係一般人嘅月薪。(當然,現實又怎會真的沒有這些因素呢?)

今次泰國之旅,我地誤打誤撞俾人拉左入去一間色情酒吧。我地喺入面睇左幾個令我地眼突嘅表演:一班目測28-35歲嘅中女,著住透視胸圍,無著底褲,用下體進行各種特技,熱情地要我地參與。特技包括:用下體操控筷子夾嘢比我地、插飲管喺下體再噴氣出黎吹熄好多蠟燭、用下體夾住香煙,邀請我地點火,再將煙噴黎噴去、用下體噴啲乒乓波出黎比我地打、邀請我地喺佢下體拉出一串長達3米嘅膠花。最後我地比左幾百蚊港紙tips。

雖然泰國嘅「價廉物美」,令佢地比富裕地區嘅遊客剝削。但所謂嘅剝削,同時都造就左從業者嘅某程度上安逸,使佢地能夠搵到相對多嘅錢去生活。我講嘅不單係性工作(性工作牽涉太多社會問題,包括黑幫等,不適宜如此武斷去分析),而係整個旅遊業。以前,我會好期盼所謂「人人平等」,人人獲得同樣嘅資源。依家,我有少少睇化左了。我會諗,會唔會正正係因為呢個世界嘅所謂階級、不平等,先至造就到各類人能夠某程度上獲得有屬於自己嘅幸福呢? 更複雜嘅社會問題/國際關係先不說,以泰國為例,因為世界嘅「不平等」,外國人可以用廉價黎旅遊,泰國人又可以從外國人身上賺取「暴利」,喺低物價嘅社會過更好嘅生活。咁樣或許都算係一種各取所需嘅幸福吧? 當然,這只是我的一個初步反思,我這樣想是正確與否,我還未睇透,你們也可以自行思考。
講返色情酒吧奇遇。當然你可以話,Sex Work is Always Oppressive(性工作必然是壓逼的),至少在較落後地區、社會保障較不健全嘅地區一定係:如果唔係因為世界嘅階級與不平等,泰國嘅男女根本唔需要鋌而走險,去做呢啲如此高危,牽連甚廣,甚至算得上係厭惡性嘅工作。但見酒吧入面嘅侍應、表演者如此輕鬆地駕馭表演同要求小費,又覺得這些事或許都可以一體兩面,未必需要下下用悲情嘅角度看待如風塵女子呢類弱勢。但當然,講就係咁講,喺泰國做得性工作嘅人,大多數唔多唔少都有啲悲情嘅身世,如果有機會,我都想同佢地傾下計,了解多啲佢地嘅人生。