「被走光」天水圍少女遭警察羞辱，說好的不畏懼、不徇私、不對他人懷有惡意、不敵視他人?

8月5日凌晨，有人與警察對罵，不滿警方執法不公，期間，「天水圍少女」遭男防暴警抬起時「被走光」露出內褲，更懷疑內褲腿下露出私處，事後警方回應時歸咎穿裙的她激烈掙扎。

少女接受蘋果日報訪問展示傷痕，她憶述，約十多名持盾防暴警突然衝過來，先把她按倒制服，並以索帶綁緊她雙手，她被腳踢，又被警棍毆打，然後一聲「抬起佢」，便把她抬起。防暴警邊抬邊罵她「八婆，頭先鬧得好開心」。在警署內她又屢遭警員人身攻擊如「好肥好重，搬得你好辛苦呀」、「曱甴」、「做咩咁白癡？」等等。

呢句 「不畏懼、不徇私、不對他人懷有惡意、不敵視他人」係警察嘅誓詞，但佢地依家已經完全徇私、敵視市民，充滿惡意。很多時鏡頭都影到，明明市民已經被制服，點解要踢幾腳、打幾棍？點解要用言語凌辱市民？

將市民稱為「曱甴」，其實本身冇乜嘢攻擊性，我哋都唔會玻璃心覺得好侮辱好慘。但問題係，佢哋身為執法者，係用緊納粹嗰一套對待平民，將市民徹底非人性化，合理化呢個團隊被仇恨蒙蔽、殺紅了眼。

科幻劇集《Black Mirror》其中第三季嘅《Men Against Fire》正正就係反思緊英雄與惡魔嘅界線。劇中，軍人嘅腦都被植入晶片，遇到某種族嘅平民時，會自動投影出一隻隻怪物嘅模樣，佢地稱之為「Croach」（即係曱甴啦）。見到呢啲怪物，佢哋會毫不猶豫擊殺，並認為自己為民除害，感到無比光榮。

然而，民間都有人用不同方法，干擾晶片運作。當男主角晶片故障，第一次見到所謂嘅「Croach」原來係手無寸鐵嘅平民、老人、孕婦、小孩……每一張面孔都讓佢崩潰了。原來佢唔係英雄，係殺人兇手。

人類本性難以接受同類相殘，於是軍方發展出黑科技，讓軍人眼裡看見的人再也不是人，都是一個個該被殲滅的可怕怪獸。從此戰爭的效率奇高，沒有人會在扣板機時猶豫對方也和自己同樣生而為人，屠殺異種怪獸的刺激感與快感更高，人們可以肆無忌憚地享受殺生，同時報效國家。

香港警察雖然沒有植入晶片，但卻被直入思想。佢地被親政府媒體、上級洗腦，不斷灌輸市民係低等、死有餘辜嘅「廢青」、「曱甴」。如此一來，佢哋執行任務嘅時候不但不會有絲毫猶豫，而且仲會充滿快感，所以先會出現頻頻民居催淚彈放題、濫用私刑、打路過市民等等。又有人工，又可能升職，又刺激，佢哋殺得更開心。

政府施政失誤，就躲在警察背後。我唔質疑警察入面都有好人，但好人根本冇可能對市民下手，加上警隊內部仇恨市民嘅氣氛，就算係好人，都只好欺騙自己，去敵視市民。香港警察係香港少數合法武裝嘅團體，亦係香港嘅執法者，政權嘅白手套。當執法者淪落到敵視市民，就不能怪佢地徹底失去民心與管治威信。