就係你班咁嘅多管閒事嘴賤花生友,搞到香港咁多女仔精神緊張、厭食、討厭自己。

尋日我上載咗一張相,特登凸咗個肚出黎,之後起碼有20個女仔inbox我,同我講佢哋俾人fat shame嘅遭遇🤷🏻‍♀️ 今日睇,仲搞笑,幾多傻仔攞住一張相,同我睇症,又話我癡肥乜乜物物。我癡唔癡肥自己知啦、一我唔係,二就算我癡肥關你乜事😂 我有自信又影響唔到你,又無逼你睇,反而鼓勵到其他女仔接受自己、鼓勵到大家開開心心,喺度留惡言做乜姐😂

Screenshot 2019-10-13 at 3.15.54 AM.png

人嘅身體係有唔同狀態,我朝早、夜晚,擺唔同pose、唔同衣著,身材都會唔同。其實係人都係咁🤷🏻‍♀️ 尋日有女仔同我講,話佢因為一次游水嘅經歷,比班男仔攻擊佢肥。你班人真係唔鬧唔得,膚淺到咁。

人地可能咁啱嗰日浮腫、咁啱嗰件衫顯肥,未必係真係肥。同埋你班人啲標準,無100磅都可以話人肥,肥喺邊?

退一萬步,就算真係肥,又點?又唔係食你啲米、洗你啲錢🤷🏻‍♀️ 點解點解一定要搵嘢攻擊?點解覺得你有資格入侵、評論人地嘅生活同身體?點解要充滿惡意同怨毒?

我post相可能預咗有惡言,但唔代表惡言係正確。其他大部分比人shame嘅女仔,相都無post,只係存在就比人judge🤷🏻‍♀️

其實大家都可以學習,收下自己把口,明白別人嘅事好多唔到自己評論。唔好對人咁苛刻,同時都唔好對自己咁苛刻。一齊好好生活唔得咩💜