“Slut” is attacking women for their tight to say yes. “Friend zone" is attacking women for their right to say no.

「應承你比人話係雞,拒絕你比人話收兵」呢個係幾有趣嘅觀察。

我又唔會下下用「attack」呢類咁強嘅字,因為好多時其實啲人都係9up下,尤其是「Friendzone」呢個觀念,多數都係用黎笑男人被拒絕,唔係真係最關攻擊女人事。

當然,你可以話玩笑/意識形態都係無形嘅攻擊,如果係咁,我諗蕩婦羞辱 (Slut-Shaming) 嘅風氣會更加貼身: 由衣著,到思想、言行、興趣、交友、工作,世人總有辦法強調女人嘅「貞潔」,又總能夠找到理由喺「貞節框架」下批鬥佢地。比如話,喺職場上到位,一定係靠色誘上司;鍾意著得性感,就等於不尊重自己,所以可以任人侮辱同侵犯……呢啲咁嘅牛屎理論我喺網上都見人講唔少。

最悲哀嘅係,有啲女性為左喺男人面前搶分,凸顯自己同呢啲「收兵/婊/蕩婦」幾咁不同,都會加入厭女嘅行列,經常攻擊其他女性(即使該女性並無侵犯任何人,例如佢只係著得好Kawaii,或者講嘢雞仔聲),鞏固厭女嘅風氣: 對一切女性特質、女性表達產生強烈厭惡,尤其將女人嘅性視為痛苦與失去,而唔係生命和快樂嘅象徵。

講左咁耐,唔係話要追究任何責任。有時社會風氣會令我地做左啲唔太好嘅事,都唔發覺有問題。不如由今日起,大家就試下唔好再用某幾個單一嘅角度看待女性,試下尊重下女性say yes 同say no嘅選擇權,試下唔好認為自己有權去評論甚至介入女性嘅選擇同生活?其實唔單止係對女人,任何性別嘅人,佢地嘅自主選擇(只要無害人、無影響到你、無公共性)都應該受尊重啦❤️