講真,2014年已經成日出現撐警廢老襲擊示威者、喺現場影人大頭相、揮刀揮棍威嚇在場人士。呢5年幾來,除咗近日,有邊次會還手?邊次唔係市民報警求助,結果疑犯被護送離開,甚至原告變被告?

721元朗當晚,我喺中環一路睇住直播,一路喊住逐間逐間警局打去,999都打咗100次,結果?

係你地辜負咗全香港市民,令大部分人唔再信警察幫到我地,要自己保護自己。

我地當時妄想,香港警察會現身制服暴徒、除暴安良,打咁多次電話,係因為對香港警察絕望地呼喊,有市民甚至去到不同警局拍門求助,結果?警署落閘,新聞影到曬,警察同黑社會搭膊頭、任由黑社會聯群,攞鐵桶喺自己面前掂行掂過。

結果就係,好多人唔再信黑警會幫到自己。以往有人搞事,甚至襲擊,我地會選擇報警。係警察執法嘅明顯不公,用5年時間,養大了神獸「獅鳥」。 的士衝上行人路撞人被鶳、暗星影人大頭相被鶳、喺旺角揮鐵支恐嚇人被鶳,睇到我好開心☺️ 你地最愛嘅警察帶頭濫用私刑、帶頭破壞執法者公信力,所以搞到你地今日呢個田地。你哋支持香港警察不公執法,引致到今日嘅後果。

學警察話齋,出現得喺現場就有受傷風險、驚就應該返屋企、正常市民都唔會出現喺嗰度,等一切平靜後真誠嘅對話將會展開❤️