圖為我youtube video #fatandeating 截圖，想更了解呢個compaign嘅可看看我的youtube 或者到發起人 @iamdaniadriana 的IG 看看她的文章

我經常被網絡上的陌生人攻擊身材，講到我幾肥幾龐大。首先我自知不是瘦，但絕對唔係佢哋講到咁肥。作爲一個所謂肥人，我發現，呢個世界好多人，好喜歡要肥人交代自己嘅身體狀況。譬如之前有一hater，不斷質問我體重，我告知佢我BMI正常，佢又再要我披露體脂比率🤪 反正就是要我交代自己幾唔正常、幾唔健康😂 但Sorry, 我敢講我精神同身體狀態都健康過大部分香港人👏🏻 如果要比喻，我應該係一隻健康嘅海獅，而有啲瘦人可以係頻死嘅羚羊😂

另一樣經常被批判嘅，就係肥人嘅飲食。其實從部分留言，就知道佢哋係對營養學/健康嘅認知係幾皮毛。正如 @heyitscassadee 所講，呢個畸形社會，好多時將人同食物嘅關係對立，食得多野就係衰、食沙律牛油果雞胸呢啲所謂健康食物就係好，即使嗰碟食物營養唔均衡、卡路里都唔夠🤷🏻‍♀️ 如果係肥人，就食咩都死，食垃圾食物又話難怪咁肥，食「健康」食物又話食到咁都咁肥，沒完沒了。
一個人肥瘦，除咗食物關係，仲有基因、心理狀態、荷爾蒙平衡、運動量、睡眠質素、飲水量等等嘅好多嘅因素。淨係食物，都唔係淨係睇卡路里，仲有macros同micros。點解網上面一個二，個當正自己營養師醫生？睇相就知道個人健唔健康、又覺得自己有資格評論、管束其他人嘅餐單？

其實講到底，好多人係欠缺一種對人嘅尊重。好多嘢就算要講，都要睇身位，作為陌生人，有排都未輪到你講嘢，唔需要喺唔了解嗰個人嘅情況下gut個頭出黎寸人。如果真係出於關心嘅，就唔應該講令人難堪嘅說話，同一個意思，可以好好地表達。肥人好、瘦人好，大家都有選擇自己life style 嘅權利，除非佢哋好明確地希望大家比意見，或者係你好親近嘅人而你知道佢嘅處境，否則大部分情況下，大家都係收收口，比人enjoy佢哋自己嘅生活方式吧😘

最後記住，肥人（和其他任何人）係唔需要向任何人解釋任何嘢，唔好make assumptions ok？☺