11 Jul 2019

可以嘴賤,但盡量努力唔好欺凌啦

聽聞近日好多人喜歡走去網絡欺凌一個𡃁妹,全方位日日夜夜恥笑佢外表同跳舞唔好睇😅 評論係一回事,心地係另一回事~ 就算你自覺評論幾中肯,留言之前不如停一停,諗下點解要人地食你嘅惡意。佢係做錯咗事,定得罪你啲乜?如果無嘅,人地只係存在喺自己嘅空間做自己嘅事,咁你可以選擇唔好睇。就算要睇要評論,不如試下用善意啲嘅語氣?同一個意見,不同嘅立心,出黎嘅效果已經會好唔同,你地唔係唔知嘅,差在你地想唔想用呢個善良嘅能力姐。我信你地可以的😜👍🏻 We connect😜

唔講道德,講利益同因果。下下要靠公開嘲弄、謾罵、侮辱萍水相逢嘅人,從中獲得快感或者同其他人製造共同話題R朋友,一時間可能係好爽好開心嘅。但其實你係幫手build up緊一個欺凌嘅氛圍,分分鐘過兩日就係到你自己被欺凌了。為己為人,多釋出善意吧😜

Cyber bully我自己都受唔少,尤其啲人好鍾意問我哪來的自信,well,如果你有努力咁活著、有努力咁愛身邊嘅人、有努力咁做一個對得住自己嘅人,咁你就已經值得擁有自信。自信唔係來自你嘅外表,而係來自你會為自己而努力,無論係甚麼範疇、行大步或小步,擁有自信從來都唔需要其他人批准的。

經過咗咁多年,我就睇通咗。未睇透嘅咁多位,尤其玩緊bullying嗰啲,希望你地再停一停諗一諗啦😄 功利角度諗,可能你地仲幫咗佢上位🤪 要有意見嘅,唔係唔得,屈住屈住都係違背人性嘅,有時把嘴係想賤下嘅~ 不過,面對無辜嘅人,不如試下私底下笑佢? 講下八卦,好過參與欺凌啊咁多位💖一係,就將呢股賤慾,發洩喺該死嘅人身上(eg黑警)? 咁就你好佢好大家好啦☺️